IGICE CYA MBERE: Amategeko Abanza
Iri teka rigenga uburyo bwo kugenda mu nzira nyabagendwa, bwerekeye abanyamaguru, ibinyabiziga, inyamaswa zikurura, izikorera ibintu, cyangwa izo bagenderaho kimwe n'amatungo.
IGICE CYA KABIRI: UBURYO BWO KUGENDA MU MUHANDA
Muri iki gice uraza kwiga uburyo bwo kugenda mu muhanda, ibibujijwe n'ibyemewe.
IGICE CYA GATATU: IBINYABIZIGA
Aha urahamenyera ibijyanye n'ibinyabiziga byose, ibice bibigize, ibyo bigomba kuba byujuje n'ibindi byose bijyanye nabyo.
IGICE CYA KANE: IBIMENYETSO.
Muri iki gice uramenyeramo ibijyanye n'ibimenyetso byose byo mu muhanda. Murasangamo ibyapa, ibimenyetso bimurika n'ibimenyetso byo mu muhanda.
IGICE CYA GATANU: IBIRANGA IBINYABIZIGA.
Muri iki gice muramenyeramo ibiranga ibinyabiziga byose.
IGICE CYA GATANDATU: IMIGENZURIRE Y’IMITERERE Y’IBINYABIZIGA
Muri iki gice muramenya byose bijyanye n'imigenzurire y'imiterere y'ibinyabiziga.
IGICE CYA KARINDWI: KOMITE Y’IGIHUGU ISHINZWE UMUTEKANO MUHANDA
IGICE CYA MUNANI: GUFUNGA IBINYABIZIGA
IGICE CYA CYENDA: AMATEGEKO Y’INZIBACYUHO, AVANWAHO N’ATANGIRA GUKURIKIZWA.
No questions yet
Be the first to ask your question! You’ll be able to add details in the next step.
Ask a new question
Add an answer
Ingingo ya 115 :
Ibyapa byavuzwe kuva ku ngingo ya 92 kugeza kuya 103, kubyerekeye uko bikoze, amabara, ibigereranyo, n’ibyanditsweho bigomba guhura n’ingero zishushanyije mu migereka ya 1 kugeza kuwa 4 y’iri teka.
Ingingo ya 116 :
- Ku mihanda yagenwe na Minisitiri ushinzwe imirimo ya Leta, ibyapa biburira n’ibyapa byerekana bigomba kugaragazwa kuva bwije kugera bukeye n’urumuri rwihariye cyangwa n’amatara ku mihanda cyangwa n’ibintu ngarurarumuri; igihe ijuru rikeye, intera y’ahagaragara igomba kuba byibura metero 100.
- Kuri iyo mihanda nyine ibyapa bibuza n’ibitegeka bigomba kugaragazwa ku buryo bumwe iyo abagenzi bagomba kubikurikiza nijoro no ku manywa.
- Ibyapa B,7a na B,7b bigomba iteka kumurikwa cyangwa kugarura urumuri ku buryo bigaragarira nibura mu ntera ya metero 100 igihe ijuru rikeye.
Ingingo ya 117 :
Birabujijwe kwandika ku cyapa kigenga uburyo bwo kugendera mu muhanda ikintu cyose kidafitamye isano n’icyo kihabereye.
Nyamara ibyapa biburira uretse icyapa n° B,1 (amasangano umuyobozi agomba guhamo inzira abagenda mu nzira agiye kwinjiramo) n’ibyapa byerekana, bishobora gushyirwaho urwibutso rw’uwabitanze cyangwa rw’umuryango wemerewe gushyiraho ibyo byapa, urwo rwibutso rupfa gusa kudafata umwanya urenze 1/6 cy’ubuso bw’icyapa.
Ingingo ya 118 :
- Birabujijwe gushyira ku nzira nyabagendwa ibyapa byamamaza, ibimenyetso biranga cyangwa ibindi bikoresho bituma abayobozi bahuma, bibayobya, byerekana cyangwa byigana, n’iyo byaba igice, ibyapa byakwitiranywa n’urikure n’ibyapa cyangwa bikagirira nabi ku buryo ubwo aribwo bwose akamaro nyako k’ibimenyetso bihuje n’amategeko.
- Birabujijwe kumurikisha itara rijya gutukura cyangwa rijya gusa n’icyatsi kibisi, ku cyapa cyose cyamamaza ikimenyetso kiranga cyangwa igikoresho cyose kiri ahantu ha metero 75 uvuye ku kimenyetso kimurika, ku buhagarike buri munsi ya metero 7 uhereye ku butaka.
Ingingo ya 119 :
Inkombe z’inzira nyabagendwa cyangwa z’umuhanda zishobora kugaragazwa n’ibikoresho ngarurarumuri.
Ibyo bikoresho bigomba gushyirwaho ku buryo abagenzi babona gusa iburyo bwabo iby’ibara ritukura cyangwa ibisa n’icunga rihishije naho ibumoso bwabo bakabona iby’ibara ryera.
Ingingo ya 120 :
- Uretse ibivugwa ku buryo bweruye muri iri teka, ibimenyetso byose biteganywa naryo bishyirwa gusa ku nzira nyabagendwa n’abo itegeko ribihera ububasha.
Iyo amashami y’umuhanda alimo ibinyabiziga byinshi, abapolisi bashinzwe kubahiriza umutekano mugihe byihutirwa bashobora gushyiraho ibimenyetso bigenewe kuyobya ibigendera mu muhanda; ibyo bimenyetso biherako bivanwaho iyo ibinyabiziga bitangiye kugenda ku buryo busanzwe.
Ibyapa bikoreshwa bisa na kimwe mu byatanzweho urugero n° A, 30 na A,31 biri ku ngereka n° 1 y’iri teka.
- Birabujijwe gukoresha ibimenyetso byerekeye uburyo bwo kugendera mu muhanda ibindi bitari ibiteganyijwe muri iri teka.
- Ibimenyetso byateganijwe muli iri teka n’ibyo byonyine bishobora gukoreshwa byereka abagenzi icyo bishaka kuvuga.